ITANGEN (SEPEDA)
Deungon bismillah kalam mulai Saleum ulon bri bandum syedara Adek dana bang abi dan ummi Tulong peurati kadang meuguna Nyopat nabacut suguhan lon bri Tapi kon kupi juga kon bada Nyoe penerangan faedah gari Hasil teliti dokter sedunia Taweng itangen le that-that fungsi Deungo buk Mimi ulon calitra Ken peugah-peugah memang terbukti Contoh meudali bak haji uma Lanseng ngen sehat peunoh energi Karma tiep hari dayung sepeda Nyo le ek Honda ban mando gapi Umu geuh forty hi tujoh ploh sa Oleh karma nyan wahe bang joni Jak taweng gari pruet nak bek raya Jantong teuh sehat hana le se-i Darah meunari getthat jipumpa Atot pih kuat hebat ban besi Ken ban indomi meukuwien puta Tuk pernafasan pih di akui Ngen wab weng gari seungkak hanle na Nyo untuk diet nyan cit kapasti Bah pih konsumsi lagee biasa Yang tumbon-tumbon ples pruet be guci Langsing keulai ngen weng sepeda Nyona yang setres bagah cok gari Beudoh neu ili keulileng desa Ngen le pue neungieng segar kembali Deu-ge emosi langsung ji bungka Yang saket lam rueng puleh keulai yang leumak tinggi langsong ji bungka Teu-ot yag arat guruek keulai Badan yang se-i ka meuteunaga Na asam urat langsong permisi Kolestrol tinggi jiklik meu- ‘a-‘a Han jan cok silop langsong peuregi Slama weng gari hanle jigisa Hana le pantang dak na khanduri Bah lumo bali neuhantam saja Nyan keuh sekilas ulon peuturi Jak takembali lom bak sepeda Di jepang mantong nanggroe industri Le yang weng gari nit yang ba Honda Pakon cit tanyoe rayeuk that gengsi Nyo jak ngen gari sang gasien papa Beudoh le jinoe ubah persepsi Pakek lom gari nak sehat raga Puelom manfaat pakar akui ci neukheun nehi atawa pih ya***** ret kesehatan segar kembali ret ekonomi hemat that dana nyo ret lingkungan cegah polusi ret transportasi macet pih hana ret pergaulan rame meuturi ret rekreasi le ho tateuka ret penampilan tamah lagak hi smangat berseri ka awet muda ret keslamatan pih han that ngeri adak teukeudi musibah teuka ret program GO GREEN berpartifasi sayang that bumi su-uem lagoina dan ret BBM gak usah beli dak rusak gari pih hemat dana serta ret parkir han that meunyum gli dak na pancuri kureueng selera ret faktor umu bebas kendrai le pak polisi SIM tan razia bebas tapakek ban tahajati malam dan pagi tuk sport raga dicong bak kulu su cicem nuri cicong bak punti tupe that subra budaya itangen yok bangket lagi selama ini rame yang lupa****
