Assalamu'alaikum wr wb.
Alahamdulillah lon pujoe tuhan, yang peujeut alam langet ngen bumi
Seulaweuet saleum pada janjongan, rasul pilihan Muhammad nabi
Mulia wareh ranup lam puan, mulia rakan saleum ulon bri
Keu abi ummi yg lon mulyakan. Bacut suguhan lon keuneuk rawi
Dalam lampoh soh timoh gapah lhan, la-en nibak nyan na bak teumiki
Izin lon kisah saboh habaran, kisah ramadhan bulan yg suci
Rata daerah sipanyang jalan, gampong ngen peukan tan kecuali
Sinoe ngen sideh kateudong stand, tempat jualan mencari riski
Selama dalam bulan ramadhan, lepas lebaran udah nggak lagi
Bacut lon peugah jaja ramadhan, pedagang musiman banyak sekali
Na yang got lagot na yang meujan-jan, dan na cit yang tan kateuhing gusi
Aneka macam barang makanan, serta minuman bervariasi
Na kueh lapeh pelita talam, na kueh apam kuah jih kanji
Nakueh risol lagee puep jalan, asoe sayuran geutamah campli
Na cit boh rom-rom lagee bom tangan, na kueh bak wan na nagasari
Na kueh apong na kueh bingkang, na cit lom lumang bee cukop wangi
Yang hawa peucai pih jeut jak keunan, laen nibak nyan na lontong dan mi
Ie teubee ie u dan ie buahan, ie ceundoi saban ada disini
Nacit jus naga apel dan mamplam, 10 ribuan sekali beli
Dan banyak lagi tak disebutkan, ayolah kawan tengok sendiri
Boleh dibeli boleh dipandang, jangan dipegang takutnya basi……………..
Para pengunjong pih berhamburan, najak ngen sedan na jak ngen aki
Na yang jak meu’en na yang jak jajan, tuk keperluan berbuka nanti
Tapi beu-ingat diwaktu makan, jaga batasan bek melebihi
Bek alheuh pajoh langsong le pingsan, lagee uleue lhan tak mumet lagi…..
Seumayang mugrep phon dilee katan, meu-angen badan pruet ube guci
Insya taraweh pih juga saban, beuet zikir pihtan sama sekali
Badan meuto-to ulee pih pitam, belum jam lapan dah masuk mimpi
Nyo meunan laku rugoe hanaban, karna ramadhan sithon sikali…………
Tajak u idi ta-ek flamboyan, tajak u medan ta-ek kurnia
Nak sah puasa wahe e rakan, syarat tentuan ta-ikot beuna
Puasa kon Cuma theun minum makan, mata ditahan telinga juga
Mulut dan kaki dan juga tangan, serta pikiran harus di jaga
Mata janganlah salah memandang, dengar jugak bang yang benar saja
Mulut janganlah ngatain orang, itu dilarang upat namanya
Marah emosi jauh disimpan, iri dan dendam tak boleh juga
Jauhi semua hal2 yang haram, baru haselan kita puasa……….
Keude keumala toe deungon geumpang, keude tualang toe deungon langsa
Bak tanyoe citka jeut kelaziman, awai ramadhan hansep musalla
Ohtroh bak teungoh ka tinggai sikhan, 10 akhiran katinggai 2
Padahai pahla raya that sinan, tuk pembebasan apui neraka
Ladom kasibok mita pakaian, la-en nibaknya ngen kuweh raya
Yang ladom sibok deungon hiasan, tuk keindahan dalam rumahnya
Yang ladom sibok wet2 bak jalan, hana tujuan meuputa-puta
Shalat taraweh dan tadarusan, dah terbiarkan begitu saja….
Janganla gitu hai rakan2, ramdhan depan goh tentu jumpa
Mumpung na watee nyoe padum malam, antar ramadhan ngen suka cita
Bekle neutinggai pih meusimalam, beuroh u dalam lailatul kada
Pahla jih sama ngen 1000 bulan, dalam alqur’an meunan cerita
Jeut 83 thon nyo takalikan, leubeh batasan bak umur kita
Nyan janji Allah kenlah khayalan, bek syok pikiran ragu lam dada……
pakon cit beu-o tanyoe kerjakan, karma deuh jih tan sinoe didonya
Sangkira nampak bahpih bubayang, tak pulang2 di mesjid sana
Contoh 17 bak buleun lapan. Na perayaan aneka lomba
Na lari guni dan tarek tambang, na panjat pinang nyan yang sep gura
Ka jipleu gumok handeh le batang, hadiah dipasang di atas sana
Satu sepeda dah ceukok seutang, dua boh plok jam yang murah harga
Tapi tasapeh tanyoe ek keunan, bloh ulee kawan pih mau juga
Glue tatem anti kuto talawan, bajee meuligan nyan pih tarela
Demi mendapat secuil barang, tukaran uang tak seberapa
Pakon nyan jumot karna deuh barang, seudang ramadhan sinoe goh nyata
Cubalah kalon ngen mata iman, beklah ta pandang ngen mata keupala
teulah ‘oh mate hanjeuet le ulang, tak boleh riwang lagi kedunia
kalahkan nafsu raihlah meunang, masuk lebaran fitrahlah kita
sehingga berkah lam kehidupan, bandua alam tanyoe bahgia……
takoh pucok on ngen balot timphan, takoh bak asan peugot keu meja
Sampai disini sepatah kalam, Ada salahan meu’ah beuraya
Amin ya allah amin ya rahman, Kamoe skalian neubri sejahtra
Sinoe di donya neubri beuseunang, Akhirat teuman neubri syuruga
( Ridlwan, S. Pd. I (P. Wan MTsN 1 Aceh Timur)
Post Views:
444
