TEMU PISAH KANKEMENAG ACEH TIMUR

Selamat Jalan Pak ARi ………..  Selamat Datang Pak Salman……….

Deungon bismillah kalam mulai

Pujoe keurabbi po yang kuasa

Seulaweut saleum keupada nabi

Ureung peuturi jalan agama

Saleum mulia keu pak Bupati

Pada MAN IC rayeuk that jasa

Karna teumpat nyoe hibbah P. Rocky

Hingga berdiri sampe ka jaya

Ke Bpk. Zulfan saleum ulon bri

Laheran sigli besar di langsa

Menjabat karir kepala MAN IC

PDD tinggi Master di jogja

Keu mandum rakan yg lon hormati

Abon dan ummi tuha dan muda

Bapak kepala beserta waki

Keu bapak kasi dan bendahara

for Dr. Ikbal we greet well come here

To Idi City in MAN cendekia

We feel very proud no little worry

Profession brightly in the K.U.A

Harapan kamoe punoh bak abi

Kemenag asyi meutamah jaya

Karena supir sim tingkat tinggi

Dah lulus uji program S3

Sluruh wilayah dukungan neubri

Bek meuceh sigli bek meuceh banda

 Nyo Aceh Timu teuleubeh lagi

Goh terimbangi fasilitasnya…

Ladom tan pageue leupah keubiri

Nyo bak lon abi  local hansep na

ruang twenty two rombel twenty three

Siswa dan siswa masuk lab. IPa

Kecuali sinoe nibak MAN IC

dah terlengkapi smua sarana

nyo laen bak nyan ya mali-mali

ladom nit kursi ladom tan meja#

Smoga ukeue leubeh lom tari

Beureukat abi yang kamoe bangga

Nelimpah rahmat oya Ilahi

Pimpinan kami sabe sijahtra#

Tajak u langsa piyoh di idi

Jak laboh haji tren di Abdiya

Keu Bapak Rijal yg lon hormati

Neutinggai kami lam tiba-tiba

aleh pue salah saleh soe benci

Saleh soe dengki han mupat punca

Aleh politik yang unjuk gigi

Langsong intruksi hana pat dawa

Mungken nyan mandum kehendak Rabbi

Hana soe ungki ka ohnan kada

Nyoka sijeungkai hanjeut si inci

Nyoka si centi hanjeut sidupa

Pakiban yang ka Allah teukeudi

Tanyoe jalani ngen lapang dada

Bapak neuhijrah u Banda city

Ke Kabid Haji kadi peucaya

Sithon nam buleun sinoe berbakti

Tapi meuturi hamper semua

Karena rajin bapak kunjungi

Hana padoli bah pagi buta#

Ngen punoh bijak dan dedikasi

Tak pernah seu-I semangat baja

Dalam bekerja disiplin tinggi

Meunan keuh bukti kon peuna-peuna

Pat yg ka tireh neudoe kembali

Pat yang han rapi langsong neutata

Pegawai jumot neu apresiasi

anggota seu-i ubat neupeuna#

Sayang that panggang jioh ngen api

Sayang that campli kakeunong hama

Sayang P. Rijal kenapa pergi

Padahal kami butuh dibina……..

katuha supra tabloe seucopy

Katuha carry gantoe avanza

Kok Bapak mudik disana nanti

Dah dekat lagi dengan kampongnya

Jikalau dulu penuh sehari

Tetapi kini 3 jam saja

Jikalau dulu ya bengkak kaki

Tetapi kini bengkak senangnya#

Kota takengon jaya ngen kupi

Labuhan haji meugah boh pala

Keu Bapak Salman sbagoe pengganti

Harapan kami penerang cahya

Hana meuragu sama sekali

Karna prestasi luar biasa

Sabang simeulu neujelajahi

Lsm city, Banda, Agara

Macam jabatan ka neujalani

Likulli fi’li kalheuh neurasa

Semoga betah tak pindah lagi

Bersama kami selama-lama

Neubeu-ot gampong langsong u Idi

Nyo pulang pergi boros teunaga

Pindahlah rumah boyonglah ummi

Kalau sendiri hambar rasanya

Kok bapak saja tiada ummi

Bagaikan dasi tak ada jasnya

Atau ibarat cicah on ubi

Tak ada trasi apalah rasa

Manalah tau sekali-kali

Kami kunjungi di hari raya

Siapalah juga yg suguh kopi

Kalau dibeli ya nambah dana

Astaghfirullah mohon ma’afi

Kok sama abi ngomong bercanda

Mungkin karena senang sekali

Karna dikasi menegur sapa……….

Takoh bak setui rubah bak seuntang

Takoh bak mancang rubah bak punti

Harah lon balek titek akheran

Awai mate An dudoe mate i

Pak Jal beurangkat tugas ka khatam

kapai bek karam droeneuh kemudi

droneuh hai Bapak peutimang seutang

kamoe penumpang hana mengerti

kadang cit kipah ka meugeuratan

atau ken meunan na boco tangki

kadang keumudoe han get putaran

atau cit kadang ka itam oli,

bak droe neuh Bapak peunoh harapan

Bek segan-segan nebri intruksi

Nyo ngen Pak Rijal kaharom seungam

Ngen Bapak Salman meutamah wangi #

Meunan cit tanyoe sluruh jajaran

Ngen hate lapang trimong koreksi

Meurunoe beutoi dari salahan

Menyoken meunan ego teuh tinggi

Beusapue pakat saboh tujuan

Bakat takeumbang maju profesi

Borokon ta-ek kap tujuh pluhan

Tagantoe rijang honda ADV

Barokon taduek lam kijang kusam

Beuna lam program gantoe CRV

Meunan umpama lon boh tamselan

Dalam kerjaan na reformasi #

Akan tetapi bek salah jalan

Keunong rayuan setan korupsi

Meuceuhu digop na penemuan

Ji-ek jabatan karena ahli

Meuceuhu tanyoe jitamong Koran

Keunong jemputan u kanto plisi

Peu lom kemenag brat that sorotan

Be-ok salahan ka meubee hanyi #

Beu ingat-ingat wahe e rakan

Conto lagee nyan beklah terjadi

jirawe ate pasang pikiran

Iman ke satpam mata kesaksi

Beutoi tapubuet  getanyoe seunang

Ulee han mumang ate hana gli

Adak pansion nibak jabatan

Hana cacian gop irot bibi.#

Ihklas beramal ken lah semboyan

Tapi disinan visi dan misi

Untuk tawujud saboh harapan

Pastina korban jiwa dan matri #

Bah pih phet awai mameh alheuh nyan

Bah phon bee ek nam dudoe bee wangi

Get awai taklik dudoe senyuman

Watee kameunang tawet-wet gaki

Habislah gelap terbitlah terang

Kan kita jelang mentari pagi

Ayunlah langkah sing-singlah lengan

Penuh harapan jangan berhenti……….

Keu Bapak Ari Selamat jalan

Bekna alpaan ingat keu kami

Jampang na neujak kadang u Medan

Singgah bak p.wan MTsn Wahidi

Di simpang ulim toe bineh jalan

p.jol pimpinan pak ‘an keu waki

kamoe ngon droeneuh kabrat kenalan

lhee go kunjungan silaturrahmi

kunjungan keu lhee akhir jabatan

jadi kenangan dan motivasi

tajak u bireun lewat rhot matang

tajak u simpang lewat rot idi

Ohnoe meumada haba lon layang

Leubih dan kurang mohon ma’afi

Wassalam

Ridlwan, S. Pd. I

Guru MTsN 1 ATIM